အေမရိကန္ အႀကီးဆံုး ဒတ္ထရိုက္ၿမိဳ႕ ေဒ၀ါလီခံ (ရန္ကုန္မီဒီယာ)

ဒက်ထရိုက် ၊ ဇူလိုင် ၁၉ ။           ။ ဆယ်စုနှစ်များစွာ စီးပွားရေး ကျဆင်းမှုနှင့် မှားယွင်းသောစီမံ ခန့်ခွဲမှုတို့ကြောင့် နိုင်ငံ၏ ကား လုပ်ငန်းတည်ရှိရာ ဒက်ထရွိုက် မှာ အကြွေးမဆပ်နိုင်ဖြစ်ပြီးနောက် ဇူလိုင် ၁၈ရက်က ဒေဝါလီ ခံယူ ကာကွယ် ခွင့်လျှောက်ထားသည့် အမေရိကန်၏ အကြီးဆုံးမြို့ဖြစ် လာခဲ့သည်။ တစ်ချိန်က စက်မှုအင်အား ကြီးမှုနှင့်အတူ ပျားပန်းခတ်မျှ လှုပ်ရှားစည်ကားခဲ့သော ဒက် ထရွိုက်မြို့ကြီးသည် ယခုအခါ စွန့်ပစ် ထား သည့် မိုးမျှော်အ  ဆောက်အအုံများ၊ စွန့်ပစ်ထား သည့် စက်ရုံများနှင့် အိမ်များပြန့် ကျဲနေလေပြီ။ ရာဇဝတ်မှုထူပြော သည့်အပြင် မြို့ကြီးက မီးများကို ပင် မဖွင့်နိုင်တော့။ ရာခိုင်နှုန်း၄၀ သောလမ်းမီး များမလင်းတော့။

ဒက်ထရွိုက်ဒေဝါလီခံရခြင်း မှာ ယုံကြည်မှုလျော့နည်းခြင်း ကြောင့် မီချီဂန်ပြည်နယ်နှင့်အခြား ပြည်နယ်များရှိ မြူနီစီပယ်များ အတွက် ငွေချေးယူရန် ပိုမိုခက်ခဲ စေသောကြောင့်ဟု မျှော်လင့်ရ သည်။ အခြားရွေးချယ်စရာမရှိဟု မီချီဂန်ပြည်နယ် အုပ်ချုပ်ရေးမှူး ရစ်ခ်စနိုက်ဒါကပြောသည်။ ''ဒါ က ခက်ခဲတဲ့ လုပ်ဆောင်ချက် တစ်ခုပါ။ ဒါပေမဲ့ နှစ်၆ဝဖြစ်နေ တဲ့ပြဿနာတစ်ခုကို ကိုင်တွယ် ဖို့ တစ်ခုတည်းသော အလားအ လာရှိတဲ့ ရွေးချယ်မှုပါ''ဟု စနိုက် ဒါက သတင်း ထုတ်ပြန်ချက်တစ်ခု တွင် ပြောကြားခဲ့သည်။

ဒက်ထရွိုက်၏လူဦးရေမှာ ၁၉၅ဝပြည့်နှစ်က ၁ဒသမ၈သန်း ရှိခဲ့ရာမှ ယနေ့အချိန်တွင် ခုနစ် သိန်းမျှသာရှိနေပြီး တစ်ဝက်ကျော် ကျော် လူဦးရေကျုံ့သွားခဲ့သည်။ ပြည်သူများ ရပိုင်ခွင့်လှုပ်ရှားမှုများ ကြောင့် လူမျိုးရေးတင်းမာမှုများ ပေါ်ပေါက်ခဲ့သည်။ ၁၉၆ရက အဓိကရုဏ်းများကြောင့် ထိခိုက် ဆုံးရှုံးမှုများရှိခဲ့သည်။ လူဖြူနှင့် လူလတ်တန်းစားများ မြို့ဆင်ခြေ ဖုန်းရွှေ့သည်။ စီးပွားရေးလုပ်ငန်း များလည်း အလားတူ လိုက်လံ ဆောင်ရွက် ခဲ့ရာ အခွန်ရရှိမှုကို နောက်ထပ်ကျုံ့သွားစေခဲ့သည်။

အခွန်ရရှိမှုနည်းပါးလာ သည်နှင့် ဝန်ဆောင်မှုများလျှော့ ချခံရသည်။ ထိုအခါ နောက်ထပ် လူများကို ထွက်ခွာစေခဲ့သည်။ နောက်ဆုံးတွင် မြို့ကြီးမှာ စီးပွား ရေးအရ ထိန်းမနိုင်သိမ်းမရအခြေ အနေဆိုက်ရောက်သွားခဲ့သည်။
အာရှမော်တော်ကားကုမ္ပ ဏီများကို ဈေးကွက်ရှယ်ယာများ ကဲ့ယူစဉ်က စက်ရုံများသည် လူ အစား စက်များကိုအသုံးပြုခြင်း သို့မဟုတ် ပြင်ပပစ္စည်းများဝယ်ယူ အသုံးပြုခြင်းတို့ကြောင့် အဓိက ကျသော အလုပ်သမားများအ များအပြားကိုထွက်ခွာစေခဲ့သည်။

REF: AFP

http://www.yangonmedia.com