သိသင့်သည့် မှတ်သားထားရမည့် ရွှေတိဂုံ ဘုရားသမိုင်း ( အန်တီတင့် )

ကျမတို့ ဗုဒ္ဓဘာသာ သာသနာတော်ကို ယုံကြည်သက်ဝင်၍ ကိုးကွယ်သော ဓမ္မမိတ်ဆွေများအပြင် မိရိုးဖလာ အစဉ် အဆက်ကို ထိန်းသိမ်း စောင့်ရှောက် ကိုးကွယ်လာသော ဗုဒ္ဓဘာသာဝင်များ အများစုသည် ရန်ကုန်မြို့ သို့ အလည်သို့မဟုတ် အကြောင်းအမျိုးမျိုးကြောင့်ဖြစ်စေ ရောက်လာလျှင် ရွှေတိဂုံစေတီတော်မြတ်ကြီးအား မဖြစ်မနေ သွားရောက်ဖူးမျှော်လေ့ ရှိကြပါ တယ်။ ရန်ကုန်တွင် နေထိုင်သူများအဖို့တော့ အထူးတလည် ပြော ဖွယ်ရာမရှိပါ။ ထို့အပြင် ကမ္ဘာလှည့်ခရီးသည်များပင်လျှင် ကမ္ဘာ့အံ့ဖွယ်တွင် ပါဝင်နေသောမြန်မာနိုင်ငံ၏ အထင်ကရဖြစ်သည့် ဤရွှေတိဂုံစေတီတော်မြတ်ကြီးအား သမိုင်း အမွေအဖြစ် လာရောက်လေ့လာ ဖူးမျှော် ကြပါတယ်။ ထိုသို့ထူးခြားမွန်မြတ်လှသော ရွှေတိဂုံစေတီတော်မြတ်ကြီးနှင့် ပတ်သက်၍ အနည်းဆုံးတော့ ကျမတို့အားလုံး သမိုင်းအကျဉ်းကို သိထားသင့်သည် မဟုတ်ပါလား။
                                                             ရွှေတိဂုံစေတီတော်မြတ်ကြီး

ဥက္ကလာပမင်းကြီးနှင့် ကုန်သည်ညီနောင်တို့သည် ဘုရား ဗျာဒိတ်တော်အရ သိင်္ဂုတ္တရ ကုန်းတော်ကို စူး စမ်း ရှာဖွေ ကြရာ မတွေ့ မရရှိနေ၍ တိုင်းသူပြည်သားများ အကူအညီဖြင့် ရှာဖွေကြပြန်သည်။ ထိုအခါလည်း မည်သူမျှ ရှာဖွေမတွေ့ ကြရပေ။ လူ့လောကတွင် ထိုကုန်းတော်ကို သိသူမရှိသဖြင့် ဥက္ကလာပမင်းကြီးသည် ခမည်းတော် သိကြားမင်းအား အကူ အညီတောင်းရလေသည်။ သိကြားမင်းသည်လည်း အသက်ငယ်သော ကြောင့် ရှေးဘုရားသုံးဆူတို့၏ တောင်ဝှေးတော် ၊ရေစစ်တော် ရေသနုပ်တော်တို့ကို ကိန်းဝပ်ရာ သိင်္ဂုတ္တရ ကုန်းတော်ကို မသိဖြစ်လေ၏။ ထို့နောက် အသက်ရှည်သော ကမ္ဘာနတ်ကြီး ၅-ပါးတို့ကို ပင့်ဖိတ်၍ မေးကြရ ၏။ ကမ္ဘာနတ်ကြီး ၅-ပါးမှာ-

၁။  အမြိတ္တရုက္ခဒေဝနတ်
၂။  ဝေဠုသုမနရုက္ခဒေဝနတ်
၃။  ဥဒုမ္ဗရရုက္ခဒေဝနတ်
၎။  ခေပသွယ်ရုက္ခဒေဝနတ်
၅။ သော်ကရုက္ခဒေဝနတ် တို့ဖြစ်ကြ၏။ ထိုငါးပါးတွင် အမြိတ္တရုက္ခဒေဝနတ်ကို ယခုအခါ မှော်ဘီနတ်ကြီး ခေါ် ကြ၏။

                                                                   ဥက္ကလာပမင်းကြီး

                                                   ကုန်သည်ညီနောင် တဖုဿနှင့်ဘလ္လိက

ထိုနတ်ကြီးတို့ရောက်လာ၍ သိကြားမင်းသည် သိင်္ဂုတ္တရကုန်းကို သိမြင်ဖူး၏လောဟု အစဉ်အတိုင်း မေးတော် မူရာ အမြိတ္တရရုက္ခစိုးနတ်ကြီး ပြောဆိုသည်ကား ကျွန်တော်သည် ရှေးအထက်က ဘီလူးဖြစ်စဉ်အခါက ကကုသန် ဘုရားကြွ လာသည်ကို မြင်၍ ဖမ်းစားမည်ဟု လိုက်လေလျှင် ဘုရားသခင်လည်း ကျွန်တော့ကို တရားဟော၍ သရဏဂုံ ပဉ္စသီလတို့ ကို ချီးမြှောက်တော်မူပြီးလျှင် လက်တော်၌ပါသော တောင်ဝှေးတော်ကို ပေးသွားတော်မူခဲ့ပါသည်။ ထိုတောင်ဝှေးတော်ကို သိင်္ဂုတ္တရကုန်းတော်ရှိ ကညစ်ပင်ကြီးအောက် မြှုပ်ထားပါ သည်ဟုဆို၏။

                                                                  သိင်္ဂုတ္တရတောင်ကုန်း

                                                              သိဂုင်္တ္တရ ဥယျဉ်တော်

                                                 ကကုသန္ဒမြတ်စွာဘုရား (တောင်ဝှေးတော်)

ထို့နောက် ဝေဠုသုမနရုက္ခစိုးနတ်ကြီး ဆိုသည်ကား ကျွန်တော်လည်း အထက်ကဘီလူးဖြစ်ပါသည်။ ထိုအခါ ကောဏဂုံ ဘုရားသခင် ကြွလာတော်မူသည်နှင့် ဖမ်းစားမည်ဟု လိုက်သွားရာ ရှင်တော်ဘုရားလည်း တရား တော်ဟော၍ သရဏဂုံ ပဉ္စသီလတို့ကို ချီးမြှောက်တော်မူခဲ့ပြီးလျှင် ဓမ္မကရိုဏ်ရေစစ်တော်ကို ပေးသွားတော် မူခဲ့ပါသည်။ ထိုဓမ္မကရိုဏ်ရေစစ်တော်ကို သိဂုင်္တ္တရတောင်ထိပ်ရှိ ကညင်ပင်အောက်၌ မြှုပ်ထားပါသည်ဟု ဆို၏။

                                              ကောဏဂမနမြတ်စွာဘုရား (ရေစစ်တော်)

ထို့နောက် ဥဒုမ္ဗရရုက္ခစိုးအဆိုမှာ ကျွန်တော်လည်း အထက်ကဘီလူးဖြစ်နေသည့်အခါ ကဿပမြတ်စွာဘုရား သခင် ကြွတော်မူသည်နှင့် ဖမ်းစားမည်ဟုလိုက်လေရာ ရှင်တော်ဘုရားလည်း တရားဟော၍ သရဏဂုံ ပဉ္စသီလတို့ကို ချီးမြှောက်တော်မူသဖြင့် ရေသနုပ်တော်ကို ပေးသနားတော်မူခဲ့ပါသည်။ ထိုရေသနုပ်တော်ကို သိင်္ဂုတ္တရကုန်းတော်က ကညင်ပင်အောက်၌ မြှုပ်ထားပါသည်ဟုဆို၏။

                                            ကဿပမြတ်စွာဘုရား (ရေသနုပ်သင်္ကန်းတော်)

ခေပသွယ်နတ် သော်ကနတ်တို့ကလည်း ကျွန်ုပ်တို့သည် ယခုဂေါတမဘုရား လက်ထက်ကစ၍ အရိမေတ္တယျ ဘုရား ပွင့် သည့်တိုင်အောင် အသက်ရှည်၍ သာသနာတော်ကို စောင့်ထိန်းရပါသည် ဟုဆို၏။

                                                    ဂေါတမမြတ်စွာဘုရား (ဆံတော်ရှစ်ဆူ)

ထိုနတ်ကြီးငါးပါး သိကြားမင်း ဗြဟ္မာ ဥက္ကလာပမင်းတို့ တိုင်ပင်စုဝေး စစ်ဆေးပြောဆိုကြသောနေရာကို စုဝေး ကုန်း ဟုခေါ်၏။ ယခုကား ဆူးလေကုန်းဟု ခေါ်ကြ၏။

ထိုနတ်မင်းကြီး ငါးပါးစလုံးကပင် ရှေးဘုရား သုံးဆူတို့၏ တောင်ဝှေးတော် ရေစစ်တော် ရေသနုပ်တော်တို့ ကိန်းဝပ်ရာ သိင်္ဂုတ္တရကုန်းတော်ကို အညီအညွတ် ညွှန်ပြကြသဖြင့် တွေ့ရှိကြရ၏။ သိင်္ဂုတ္တရကုန်းသည် အသိ တဉ္စနမြို့၏ အရှေ့ မျက်နှာတောင်ကုန်း ၉၉-ကုန်း အရံရှိသော တောင်ကုန်းထိပ်ဖြစ်လေသည်။

                                             သိင်္ဂုတ္တရတောင်ကုန်းပေါ်မှရင်ပြင်သို့မြင်တွေ့ရပုံ

ထိုသို့ ဘုရားရှင် ဗျာဒိတ်တော်အတိုင်း သိင်္ဂုတ္တရကုန်းတော်ကို တွေ့ရှိကြသောအခါ ဥက္ကလာပမင်း သိကြားမင်း ကုန်သည် ညီနောင် - သူမြတ်လေးဦးတို့ ညီညွတ်တိုင်ပင်၍ ပြည်သူတို့ စုပေါင်းပါဝင်လျက် ဘုရားရှင် သုံးဆူ တို့၏ ဓာတ်တော်ဌာပနာရာ အရပ်တွင် ဥမင်အစောက် အဝ အလျား လေးဆယ့်လေးတောင်စီအညီတူးကြ၏။
(ဤ၌ အချို့သော ဆရာတို့က ရန်သူတို့ ဓာတ်တော်များကို အလွယ်တကူ မဖျက်ဆီးစေနိုင်ရန် အလွန်နက် သော ဌာပနာ တိုက်၌ ထည့်သွင်းရန် သိင်္ဂုတ္တရကုန်းတော် အလည်တည့်တည့်တွင် အစောက် ၄၀၄ တောင် အနံ ၄၄ တောင်ရှိသော ဥမင် လိုဏ်ဂူကြီးတူး၏ ဟု ဆိုကြ၏)

                                                                        ဌာပနာတိုက်

ထိုအခါ လူတို့သည် သွေးမွှန်သော ရောဂါဖြစ်ကြ၍ မိုက်မူးတွေဝေသဖြင့် အတုံးအရုံး ပြိုလဲကြ၏။ သိကြားမင်း သည် နတ်၏ တန်ခိုးဖြင့် ရေကန်ဖန်ဆင်းပြီးလျှင် ထိုရေကန်၌ ဒေဝသြသဓ နတ်ဆေးကို ခပ်၍ လူအပေါင်း အား သောက်ခြင်း ရှူခြင်း မျက်နှာသစ်ခြင်းကို ပြုစေလျှင် သွေးရောဂါမှ စ၍ ၉၆-ပါးသော ရောဂါတို့သည် ကင်းကွာကြလေ၏။ ထို့ကြောင့် ထိုကန်ကို သိကြားမင်းက သွေးရောဂါကြောင့် ဆေးခပ်သော ရေကန်ဖြစ်၍ သွေးဆေးကန်ဟု ခေါ်ကြလေ၏။ ထိုကန်သည် ရွှေတိဂုံစေတီတော် မြောက်ဖက်စောင်းတန်းထိပ်တွင်ရှိသည်။

                                                                       သွေးဆေးကန်

ထိုသို့ ဥမင်လိုဏ်ကိုတူးကြသောအခါ လှော်ဦးစဖြစ်သော ဇမ္ဗူရာဇ် နာရဏီရွှေကိုတွေ့ရဘိသကဲ့သို့ ကကုသန် မြတ်စွာ ဘုရား ပွင့်တော်မူသည့် ကာလအသုံးအဆောင် တောင်ဝှေး၊ ကောဏဂုံ မြတ်စွာဘုရား၏ အသုံး အဆောင် ဓမ္မကရိုဏ်ရေစစ်တော်၊ ကဿပမြတ်စွာဘုရား ပွင့်တော်မူသည့်ကာလ အသုံးအဆောင် ရေသနုပ် သင်္ကန်းတော်တို့ကို ဖူးတွေ့ကြရလေ သည်။

ဥက္ကလာပမင်းကြီးနှင့် ပြည်သူအပေါင်းတို့သည် ဆံတော်ဓာတ်မြတ် ရှစ်ဆူနှင့်တကွ ဤဘဒ္ဒကပ် ကမ္ဘာတွင် ပွင့်တော် မူသော ဘုရားသုံးဆူတို့၏ ပရိဘောဂ မွေတော် ဓာတ်တော် ဓာတ်မြတ် ၃-မျိုးကို စေတီတည်ထား ကိုးကွယ်ရန် အတွက် သိင်္ဂုတ္တရကုန်းတော်ပေါ်တွင် ကြီးကျယ်ခမ်းနားစွာ စံကျောင်းမဏ္ဍာပ်ကြီး တည်ဆောက် ခေတ္တထားရှိ ပူဇော်ကြ၏။ ယင်းနေရာ အထိမ်းအမှတ် စေတီတော်တည်ထားရာ “နောင်တော်ကြီး” စေတီ တော်ဟူ၍ ယခုတိုင် တွင်ရစ်လေသည်။ ထိုနောင်တော်ကြီးစေတီတော်သည် ယခုအခါ ရွှေတိဂုံစေတီတော် မြတ်ကြီး အနီးအပါး သိင်္ဂုတ္တရကုန်းတော်အပေါ် အရှေ့မြောက် အရပ်တွင် ရှိလေသည်။

                                                                  နောင်တော်ကြီးဘုရား

သိကြားမင်း ဥက္ကလာပမင်း ကုန်သည်ညီနောင်တို့နှင့် ပြည်သူအပေါင်းသည် ကျောက်ဖျာကြီး ၆-ချပ်ကိုပြုလုပ် ၍ အလျား အနံ အစောက် ၄၄-တောင်ရှိသော ဥမင်တိုက်တွင်ကျောက်ဖျာကြီး တစ်ချပ်ကိုခင်းသည်။အနဂ္ဃ ထိုက်တန်သော ရတနာ အမျိုးမျိုးကို ပုဆစ်ဒူးနစ်အောင် ထည့်သွင်း၍လည်းကောင်း ရတနားများ အပေါ်မှ ရတနာအမျိုးမျိုး မွမ်းမံသော ရွှေ သင်္ဘောကိုထား၏။ ရွှေသင်္ဘောထက်၌ ရတနာအတိ ဖြစ်သော ပြာဿဒ် ၅-ဆူတွင် ပတ္တမြား ပြာဿဒ် တစ်ဆူစီသွင်းထား၏။ ကကုသန်မြတ်စွာဘုရား၏ တောင်ဝှေးတော် ကောဏာဂုံ မြတ်စွာဘုရား၏ ရေစစ်တော် ကဿပမြတ်စွာဘုရား၏ ရေသနုပ်တော်ကို ပတ္တမြား ပြာဿဒ် ၃-ဆူတွင် တစ်ဆူစီ သွင်းထား၏။

ဂေါတမ မြတ်စွာဘုရားဖြစ်စ ရက် ၅၀- မြောက်နေ့က တဖုဿ-ဘလ္လိကတို့ ရခဲ့သည့် ဆံတော်ဓာတ်မြတ် ရှစ် ဆူကို ရတနာ အတိဖြစ်သော ပြာဿဒ်အတွင်း ပတ္တမြားပြာဿဒ် အတွင်း ပတ္တမြားကြုတ်၌ထည့်သွင်းဌာပနာ နာထားသည်။
(ကျန်ပတ္တမြား ပြာဿဒ်တစ်ဆူမှာ နောင်ပွင့်တော်မူလာမည့် အရိမေတ္တယျ သဗ္ဗညု မြတ်စွာဘုရားသခင်၏ အသုံး အဆောင် မွေတော်ဓာတ်တော် ထည့်သွင်းဌာပနာရန် ရည်ရွယ်ဟန်တူသည်)

သိကြားမင်း ဥက္ကလာပမင်း တဖုဿ-ဘလ္လိက ကုန်သည်ညီနောင်တို့၏ ပုံတူရုပ်များကို ရွှေဖြင့်သွန်းလုပ်၍ ဓာတ်တော်များကို ပူဇော်ဟန်ထုလုပ် ထည့်သွင်းကြ၏။ ထိုမှတစ်ပါး ဖယောင်းတိုင် ထိပ်ဝ ၃-ဆုပ် အရပ် ၇-တောင်ရှိသော လေးတိုင်ကို လေးမျက်နှာ မီးထွန်းလျက် သာသနာတော် ငါးထောင်ပတ်လုံး မငြိမ်းဘဲ တည်စေသော်ဟု ဗြဟ္မာ သိကြား ဥက္ကလာပ မင်းတို့ ဓိဌာန်၍ ထွန်းထားကြ၏။ ထိုမီးသည် ယခုတိုင် ရှိ၏ ဟုဆို ကြလေသည်။ ဆံတော်ဆေးရန် ရေကိုလည်း တွင်းတွင် ဆင်း၍ ထိုတွင်းကရေနှင့် ဆေးသောကြောင့် ထိုတွင်း ကို ဆံတော်တွင်းဟု ခေါ်ကြ၏။ ဆံတော်တွင်း မှာရွှေတိဂုံစေတီ ၏ မြောက်ဘက်အာရုံခံ တန်ဆောင်းရှေ့ တွင် ကပ်လျက် ဆံတော်တွင်း တန်ဆောင်းဟု ယခုတိုင်တည်ရှိ၏။
(အချို့သောဆရာတို့က ဆံတော်ထားသောနေရာမှာ တပေါင်းလဆန်း ၁၅-ရက် ခေါင်ဒီရေတက်သည့် အခါ ရေ များရောက်သည့် ကမ်းထိပ်မြေရာနှင့် ချိန်၍ထားပေသည် ဟုဆိုကြ၏)

ထို့နောက် ကျောက်ဖျာ ၄- မျက်နှာတွင် ယန္တရားများတပ်ဆင်ထားပြီး မဟာသက္ကရာဇ် ၁၀၃-ခုနှစ် တပေါင်း လပြည့်နေ့ တွင် ကျောက်ဖျာကြီးတစ်ချပ်ကို အပေါ်မှပိတ်၍ ဌာပနာလိုက်လေ၏။

ဌပနာတိုက်ကို ပိတ်ထားသော အထက်ကျောက်ဖျာကြီး အထက်၌ ပထမရွှေစေတီ၊ ရွှေစေတီကို ငွေစေတီ မျို၍ တည်၏။ ငွေစေတီကိုအုပ်၍ မိုးကြိုးစေတီတည်၏။ မိုးကြိုးစေတီကို ငုံ၍ ကြေးဖြူစေတီတည်၏။ ကြေးဖြူ စေတီကို မျို၍ ကြေးနီစေတီ တည်၏။ ကြေးနီစေတီကို လွှမ်း၍ သလွှဲစေတီတည်၏။ သလွှဲစေတီကို အုပ်၍ သံ စေတီတည်၏။ သံစေတီကိုအုပ်၍ ကျောက်ဖြူစေတီကိုတည်၏။ ဤသို့ အထပ်ထပ်မျို၍ တည်ထားပြီးမှရွှေ အုပ် ငွေအုပ် မိုးကြိုးအုပ် ကြေး အုပ် သလွှဲအုပ် ကျောက်ဖြူအုပ် မြေအုပ်တို့ဖြင့် ဖိနပ်တော်မှ ငှက်ပျောဖူးတော် အထိ ရတနာ အမျိုးမျိုးဖြင့် အဆန်း တကြယ် မွမ်းမံလျက် ဉာဏ်တော် ၄၄-တောင် (၆၆-ပေ) အမြင့်ရှိသော စေတီတော်ကို တည်ထားကိုးကွယ်ကြ၏။ ထိုနောက် ထီးတော် စိန်ဖူးတော်နှင့်တကွ အပြီးသတ် တည်ထားကြ ၏။ စေတီတော်ကြီးအား လူ နတ် အပေါင်းသောင်းသောင်းဖြဖြ ပူဇော်ကြ၏။ စေတီတော်ကြီးအားလည်း ရွှေတိဂုံစေတီတော်မြတ်ကြီး ဟူ၍လည်းကောင်း ရွှေတိဂုံဆံတော်ရှင် ဟူ၍လည်းကောင်း တွင်စေသတည်း။

ဆံတော်ဌာပနာခြင်း စေတီတော်တည်ခြင်း စသော စေတီတော်ကြီး၏ ဗုဒ္ဓကိစ္စအဝဝတို့ကို လူ နတ် ဗြဟ္မာ မကြွင်း ဝိုင်းဝန်း ပူဇော် တည်ထားကြသဖြင့် လူတစ်ရစ် နတ်တစ်ရစ် တည်ထားသော စေတီတော်ကြီးဟု ထင် ရှားလှ၏။ နေ့ဘက်တွင် လူတို့တည်ဆောက်၍ ညဘက်တွင်နတ်ကောင်းနတ်မြတ်များက တည်ထားကိုးကွယ် ကွယ်ကြသည်ဟု အဆိုရှိလေသည်။ ထိုသို့ ဗုဒ္ဓကိစ္စကြီးပြီးကြလျှင် သိကြား ဗြဟ္မာ နတ်တကာတို့သည် မိမိတို့ အရပ်သို့ အသီးသီးပြန်လာကြလေသည်။ ထိုအခါ စေတီတော်မှ ရောင်ခြည်တော်ခြောက်သွယ် ကွန့်မြူးလျက် လူ နတ် အများ သောင်းသောင်း ဖြဖြ ပူဇော်ကြ ရလေသည်။

ဘုရားလေးဆူတို့၏ မွေတော် ဓာတ်တော်များ ဌာပနာရာ စေတီတော်မြတ်ကြီး ဖြစ်သောကြောင့် လေးဆူ ဓာတ်ပုံ ရွှေတိဂုံ စေတီတော်မြတ်ကြီးဟူ၍ ခေါ်ဝေါ်ကြခြင်းဖြစ်ပါတယ်။

မေတ္တာဖြင့်
အန်တီတင့်

မေတ္တာဖြင့်
အန်တီတင့်

http://memories-of-mstint.blogspot.com/2011/07/blog-post_21.html
ဒီအန်တီဆီက ကူးယူဖော်ပြထားတယ်..။ ကိုမိုးအနေနဲ့ သမိုင်းကြောင်းတွေ စုရမလားလို့ စဉ်းစားနေလို့ပါ...။